Investing o Pamumuhunan

Ayaw ng Diyos na tayo'y maging mahirap. Ngunit ano pa ang mga paraan o mga susi tungo sa kasaganaan? Investing o Pamumuhunan - ang paglalagay ng ating mga biyaya, mga ari-arian sa isang bagay na maari nitong ikalago dahil sa tubo.

The Parable of the Talents

Basahin natin ang sabi sa Mateo 25:14-30

Ang paghahari ng Diyos ay maitutupad dito:

"May isang taong maglalakbay kaya tinawag niya ang kanyang mga alipin at ipinagkatiwala sa kanila ang kanyang ari-arian. Binigyan niya ng salapi ang bawat isa ayon sa kanya-kanyang kakayahan: Binigyan niya ang isa ng P5,000, ang isa nama'y P2,000 at ang isa pa'y P1,000. Pagkatapos, siya'y umalis.

"Humayo agad ang tumanggap ng P5,000 at ipinangalakal iyon. At nagtubo siya ng P5,000. Gayon din naman ang tumanggap ng P2,000 ay nagtubo ng P2,000. Ngunit, ang tumanggap ng P1,000 ay humukay sa lupa, at itinago ang salapi ng kanyang panginoon.

"Pagkaraan ng mahabang panahon, bumalik ang panginoon ng mga aliping iyon, at pinapagsulit sila. Lumapit ang tumanggap ng P5,000. Wika niya, 'Panginoon, heto po ang P5,000 na bigay ninyo sa akin. Heto pa po ang P5,000 na tinubo ko. Sinabi sa kanya ng panginoon, Magaling, tapat at mabuting alipin! Yamang naging tapat ka sa kaunting halaga, pamamahalain kita sa malaking halaga. Makihati ka sa aking kagalakan!

"Lumapit din ang tumanggap ng P2,000 at ang sabi,'Panginoon, heto po ang binigay ninyong P2,000. Heto naman po ang P2,000 na tinubo ko! Sinabi ng kanyang panginoon, Magaling, tapat at mabuting alipin! Naging tapat ka sa kaunting halaga. Makihati ka sa aking kagalakan!

"At lumapit naman ang tumanggap ng P1,000. Alam ko pong kayo'y mahigpit, aniya. Gumagapas kayo sa hindi ninyo tinamnan, at nag-aani sa hindi ninyo hinasikan. Natakot po ako, kaya't ibinaon ko sa lupa ang inyong salapi. Heto na po ang P1,000 ninyo. 'Masama at tamad na alipin! tugon ng kanyang panginoon. Alam mo palang gumagapas ako sa hindi ko tinamnan, at nag-aani sa hindi ko hinasikan! Bakit hindi mo iyan inilagak sa bangko, di sana'y may nakuha akong tubo ngayon? Kunin ninyo sa kanya ang P1,000 at ibigay sa may P10,000. Sapagkat ang mayroon ay bibigyan pa, at mananagana: ngunit ang wala, kahit ang kakaunting nasa kanya ay kukunin pa. Itapon ninyo sa kadiliman sa labas ang aliping walang kabuluhan. Doo'y tatangis siya at magngangalit ang kanyang ngipin."

Ano ang gagawin mo sa P130,000?

Ano ang talents? It is an amount of money that was given to each other of the servants. Sa isang alipin ibinigay ang limang talents, sa pangalawa ay two talents, at ang panghuli ay one talent. Yung isang alipin ay binigyan ng P130,000, yung isa P52,000, at yung huli ay binigyan ng P26,000.

Ano ang gagawin n'yo kung meron nagbigay sa inyo ng P130,000? Magtanong ka rin sa mga kakilala mo. Kahit man lang sa guni-guni ay mag-enjoy ka!

Ang talinghaga o parable na ito ay paglalarawan upang mas madaling maunawaan ang isang malalim na katuruan. The Lord gives capital to each one of us. Lahat tayo ay inaaring nilikha at alipin ng Diyos. Lahat tayo ay pinagbibilinan at binibigyan ng puhunan o ng mga talents. Ito ay maaaring materyal tulad ng pera o kayamanang pinansyal; pisikal tulad ng mga lupain o ibang bagay na maaaring kalakalin; at ang panghuli ay sosyal tulad ng pagkakaroon ng maraming kakilala na maaaring maging paraan upang bumukas ang pinto ng kasaganaan.

Meron din namang ibang klaseng talents na ibinibigay sa atin ang Diyos. Nandyan din yung literal na ibig sabihin ng talent - kakayahan, karunungan at imahinasyon.

Ang mga Pinoy nga naman!

Tayong mga Pilipino, kadalasan, mahilig gumasta at hindi mahilig mamuhunan. Subukan ninyong tanungin ang isang tao, "Kung magkakaroon ka ng isang milyon, anong gagawin mo?" Ang isasagot nyan, "Ahmmm.. bibili ako ng bahay at lupa." Bibili agad! Lagnat na lagnat tayo dyan sa bahay at lupa. Kaya ang mangyayari, kapag nakapag-abroad o nagkaroon ng pagkakataong kumita, ibibili agad ng bahay at lupa. Mabuti naman iyon kasi gusto nating bigyan agad ng masisilungan ang ating mga mahal sa buhay. Pero kapag hindi nasustentuhan ang daloy ng pasok ng pananalapi, mamaya nakasanla na rin yung bahay at lupa.

Napapansin nyo ba ang mga Intsik sa ating bansa? Dalawang henerasyon ang nakalipas, mahihirap lang din sila, halimbawa nagkaroon ng singkwenta pesos, hindi nila gagastusin yun nang kung saan-saan. Bibili yan ng kawali na tig-kikinse pesos at gas stove na tig-sasampung piso. Pagkatapos bibili yan ng konting saba, gagawing banana-cue, ititinda sa sulok-sulok at mamaya yung singkwenta nila at magiging sisenta pesos na. Mamaya magiging otsenta pesos na at mamaya tayo na ang katulong nyan.

May kilala ako dating magbobote at tindero ng taho, Pero ngayon sila na ang nakatira sa mga Villages. Marunong kasi silang mamuhunan. Kahit may pera na sila, hindi agad sila bibili ng bahay at lupa. Ang gagawin nila, uupa sila ng isang maliit na tindahan, mangangalakal, titira sa isang gilid o sulok, at magtitiis. Naka-sando lang ang mga yan pero hindi natin alam, bayong-bayong pala ang pera. Halos 70% ng mga tao sa ating mga villages ay dating mga merchants; nagyamanan na sila ngayon. Marunong kase silang mamuhunan.

At ano naman ang masasabi natin sa mga kabataan ngayon? Bigyan nyo yan ng P1,000 at bibili agad ng tig P900 na maong. Hindi iisipin na, "Makabili nga ng mga panyo sa Divisoria at ibebenta ko para kumita." Kadalasan kase sa atin, ang ginagasta natin ay yung puhunan, hindi yung tubo. Halimbawa may tindahan, hindi umaasenso kase yung benta nagagastos na kung saan-saan. Hindi lang yung tubo ang ginasta, pati puhunan nadadamay. At kapag nawala na ang puhunan, paano na? Mamamasukan na tayo at magiging alipin ng marunong mamuhunan. Isa sa mga bisyo ng bansang ito ay ang paggasta. Dapat baguhin na ito.

• The earlier you invest, the more money you will earn in the long run.
• Time is gold and time is money.

"Remember, money is not everything. There are far more important things than money – love, friendship, health and faith in God. Have all of them and you would be happy a billion ways